الأربعاء، 7 مايو 2014

طريقة عمل الحواوشى الأسكندرانى


مقادير العجينه 


3 كوب دقيق
ملعقة ملح صغيرة
ملعقة خميرة كبيره 
2 ملعقة سكر 
ربع ملعقة فلفل أسود
شوية كمون
شوية كزبرة ناعمة
كوب زيت
كوب ماء دافي

مقادير الحشو

نص كيلو لحمه مفرومه
بصلة كبيرة
ملعقة بهارات 
 ملح وفلفل وشطه
2 فلفل أخضر 
ثمرة طماطم كبيرة
2 فص ثوم 
 زيت

طريقة التحضير

- شوحى البصل مع الثوم فى شوية زيت  ومعهم اللحمه المفرومه ثم ضعى الطماطم والفلفل الأخضر والبهارات والملح والفلفل وشطه حسب الرغبه وأتركيهم حتى تستوى اللحمه ( تتعصج )
- فى الخلاط ضعى كوبين من الدقيق والملح والخميره والسكر والفلفل والكمونوالكزبره وأخلطيهم كويس 
-ضيفى اليهم الزيت والماء وشغلى الخلاط تانى الى أن تصبح عجينه 
-ضيفى باقى الدقيق وشغلى الخلاط حتى تصير العجينه ناعمه 
-أمسحى سطح العجين بقليل من الزيت وغلفيها بكيس وأتركيها بمكان دافى لمده ساعه حتى تخمر 
-رشى شويه دقيق على أى سطح ومدى العجينه وقطعيها كور صغيره بحجم  الرغيف 
-وسعى كميه من الحشو داخل الرغيف بعيد عن الأحرف وغطيه بكميه أخرى من العجين 
-أقفلى اطراف العجينه بأصابعك مثل القطايف 
-أتركيهم حوالى 10 دقائق ثم أضغطى على الأرغفه حتى تلتصق بالحشو 
-سخنى  القلايه أو الطاسه على نار عاليه وأمسحى الرغيف بقليل من الزيت ثم حمريه فى الطاسه مع التقليب المستمر للرغيف على الوجهين حتى يصبح ذهبى اللون 
-يمكن أستبدال العجين بالعيش البلدى العادى وبعدها حطيه فى ورق الفويل وأدخليه الفرن 
-قدميه ساخن 


                                  وبالهنا والشفا 

0 التعليقات