الجمعة، 31 أكتوبر 2014

طريقة عمل المولتو


كل الأطفال بتحب المولتو وكتير منا بردوا بيحبوه اعمليه بأيدك فى البيت  أضمن وأوفر

المكونات 

3 كوب دقيق 
ملعقه كبيره بيكنج باودر 
 ملعقه كبيره خميره 
 فنجان صغير زيت
 فنجان صغير سكر
 ملعقتان كبيرتان حليب بودره 
 فنجان كبير لبن دافي
 كوب ميه دافيه
 محسن خبز 
ذرة ملح 

طريقة التحضير 

- فى البدايه نحط الدقيق مع الزيت ونعجنهم كويس حتى يتجانسوا 

- ثم نضع معم باقى المكونات ونتركهم حوالى 30 دقيقه حتى تخمر

- ثم قسمى العجين الى كور صغيره هى المقادير دى بتطلع حوالى 14 كوره صغيره 

- ثم غطيها وأتركيها تخمر 30 دقيقه أخرى 

- أما أهم حاجه بقى فى الوصفه هى أنك تفردى  أول كره رقيقه وأدهنيها كويس بزيت الذره 

- ثم حطى عليها الكوره الثانيه وأدهنيها بردوا بزيت الذره 

- وكررى ثالث مره وأخر  طبقه متدهنيهاش 

- أفردى كوره من الكور دايره كبيرهثم قطعيها على شكل مثلثات صغيره لانها هتكبر لما تخمروأحشى كل مثلث اللى تحبيه (جبنه حادقه-مربى - جبنه كيرى -لحمه مفرومه) 


- وممكن تسبيه فاضى ثم لفى المثلث من الناحيه العريضه الى الرفيعه وهكذا حتى تنتهى الكميه                                                 

- ثم ضعيهم فى صاج أو صينيه مدهونه سمنه ومرشوشه شوية دقيق

- وسبيها شويه تخمر لمدة ساعه ثم أدهنى وشهم ببيض ولبن وفانيليا 

- سخنى الفرن حوالى 10 دقائق ثم أدخليهم الفرن بتاخد حوالى 10 دقائق بالفرن وبتكون هشه وجميله وكل الأطفال بتحبها والكبار 


  وبالهنا والشفا 

               مدونة صحتك وصحة طفلك                      

0 التعليقات